У рамках рэалізацыі інфармацыйна-адукацыйнага праекта "Школа Актыўнага Грамадзяніна" для навучэнцаў ДУА "Губіцкая базавая школа" Буда-Кашалёўскага раёна і ДУА "Сярэдняя школа № 38 г.Гомеля", якія адпачываюць у ДРАЦ "Рамантыка Люкс", было арганізавана мерапрыемства "Гонар" Беларусь. Культура беларускага народа: традыцыі, спадчына, сучаснасць» у рамках якога юнакі і дзяўчаты наведалі Веткаўскі музей стараабрадніцтва і беларускіх традыцый ім. Ф.Г. Шклярава.

У ходзе наведвання музея юнакі і дзяўчаты пазнаёміліся з гісторыяй Веткаўскага раёна, даведаліся аб тым, як выраблялі ў кузнях вырабы з металу, як друкаваліся кнігі, ткаліся ручнікі, пісаліся іконы. Багатая экспазіцыя музея і апавяданні экскурсаводаў дапамаглі даведацца шмат цікавага.

Пасля заканчэння экскурсіі ў клубе ДРАЦ «Рамантыка Люкс» адбылася гутарка хлопчыкаў і дзяўчынак з начальнікам прадстаўніцтва Гомельскае абласное ўпраўленне па аздараўленні і санаторна-курортным лячэнні насельніцтва» Зубцом Васілём Мікалаевічам. У ходзе гутаркі хлопцы даведаліся аб вялікай рабоце, якая вядзецца ў Рэспубліцы Беларусь па захаванні матэрыяльнай і нематэрыяльнай спадчыны, аб значэнні для народа ведаў і захаванні гісторыі сваёй Радзімы.