На працягу трох дзён з 27 па 29 ліпеня 2023 года на маляўнічым узбярэжжы возера Люсінец Лепельскага раёна Віцебскай вобласці 9 каманд з ліку супрацоўнікаў дзіцячых рэабілітацыйна-аздараўленчых цэнтраў Рэспублікі Беларусь змагаліся за званне самага спартыўнага і творчага калектыву.

Цяперашні XVII рэспубліканскі турыстычны злёт праходзіў пад дэвізам "Квітней, Беларусь!".

З прывітальным словам да ўдзельнікаў спаборніцтваў звярнуўся дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Мікалаевіч Балбатоўскі, а таксама начальнік прадстаўніцтва Віцебскае абласное ўпраўленне Рэспубліканскага Цэнтра Сняжана Аляксандраўна Цітова.

На працягу трох дзён спаборнічалі дзевяць каманд дзіцячых рэабілітацыйна-аздараўленчых цэнтраў:

- КУП ДРАЦ «Пціч»

- КУП ДРАЦ «Ждановічы»

- КУП ДРАЦ «Жамчужына»

- КУП ДРАЦ «Колас»

- КУП ДРАЦ «Надзея»

- КУП ДРАЦ «Пралеска»

- КУП ДРАЦ «Лясная паляна»

- КУП ДРАЦ «Світанак»

- КУП ДРАЦ «Сядзельнікі».

Дажджлівае надвор'е не перашкодзіла лепельчанам арганізаваць правядзенне рэспубліканскага турзлёту на высокім узроўні.

Турзлёт - гэта вялікая колькасць цяжкасцяў, пераадольваючы якія ўсе ўдзельнікі становяцца адзіным цэлым. Прадстаўнікі каманд, праяўляючы трапнасць, спрыт і камандную зладжанасць, спаборнічалі ў розных спаборніцтвах: у эстафеце "Трыятлон" - у асабістым і камандным першынстве, у "Тэхніцы пешаходнага турызму", "Лазертагу" і "Акустычным арыентаванні".

Ярка і ўражліва прайшоў конкурс-прадстаўленне каманд "Ганаруся сваім краем, працай мужных землякоў!".
Зарад пазітыву і выдатнага настрою гледачы атрымалі падчас конкурсу турыстычнай песні. Ніхто не застаўся абыякавым - авацыі гледачоў, падтрымка балельшчыкаў, эмоцыі зашкальвалі. Удзельнікі паказалі свае таленты на ўсе 100 працэнтаў.

Самым жа смачным этапам турыстычнага злёту стаў кулінарны тымбілдынг "Азёрная вуха - смачнейшая з кацялка!".
Як адзначылі суддзі, кожная з каманд турыстычнага злёту ўразіла сваім спартыўным майстэрствам, творчым азартам і воляй да перамогі.
Прыемна адзначыць, што каманда "Жамчужына" стала адной з лепшых.
У асабістым першынстве ў эстафеце "Трыятлон" сярод мужчын 3 месца заняў лепяльчанін Дзяніс Мацюш.

Каманда "Жамчужына" стала пераможцай у конкурсе-прадстаўленні каманд, а таксама заняла 2 месца ў конкурсе на самую смачную юшку!
Па выніках усіх пройдзеных этапаў месцы размеркаваліся наступным чынам:
1 месца заваявала каманда КУП ДРАЦ «Пралеска» Гомельскай вобласці;
2 месца ў каманды КУП ДРАЦ "Лясная паляна" Гродзенскай вобласці;

3 месца ў каманды КУП ДРАЦ "Жамчужына" Віцебскай вобласці.
Дыпломы, кубкі і прызы пераможцам у агульнакамандным заліку ўручыла Сняжана Аляксандраўна Цітова - начальнік прадстаўніцтва Віцебскае абласное ўпраўленне Рэспубліканскага цэнтра па аздараўленні і санаторна-курортным лячэнні насельніцтва.
Ад усёй душы віншуем пераможцаў і ўдзельнікаў! Мы вамі ганарымся!