На гэтым тыдні Дубровеншчына далучылася да Рэспубліканскай дабрачыннай акцыі для пажылых людзей "Ад усёй душы". Акцыю ахрысцілі народнай, і яна па праве стала годным працягам традыцый дабрачыннай ініцыятывы «Нашы дзеці».

Акцыя пройдзе з 26 снежня 2023 года да 15 студзеня 2024 года.

Своеасаблівым стартам акцыі марафону добрых спраў стала мерапрыемства з навагоднім віншаваннем грамадзян пажылога ўзросту і інвалідаў, якія пражываюць у аддзяленні кругласутачнага знаходжання тэрытарыяльнага цэнтра сацыяльнага абслугоўвання насельніцтва Дубровенскага раёна.

Генадзь Балбатоўскі, дырэктар Рэспубліканскага цэнтра па аздараўленні і санаторна-курортным лячэнні насельніцтва, павіншаваў пажылых людзей з Новым Годам і Калядамі.

Пажылыя людзі маюць патрэбу ў асаблівай падтрымцы, простым чалавечым цяпле і ўвазе. Такія сустрэчы дораць адчуванне радасці, чараўніцтва, саграваюць душэўным цяплом і вельмі патрэбны людзям, якія з-за розных жыццёвых абставін маюць патрэбу ў падтрымцы.

Да гэтай эстафеты ўвагі і клопату могуць далучыцца ўсе ахвочыя. Кожнаму з нас хочацца адчуваць сябе патрэбным і каханым. Дабрачынная акцыя «Ад усёй душы» - мерапрыемства важнае для ўсіх пакаленняў! Падарыць часцінку сваёй душы, цеплыні людзям, якія пражылі ўжо значную частку свайго жыцця - гэта вельмі каштоўна!