Аб XV Рэспубліканскім турыстычным злёце калектываў супрацоўнікаў дзіцячых рэабілітацыйна-аздараўленчых цэнтраў Рэспублікі Беларусь

17-Верасня-2021

23-25 жніўня 2021 года адбыўся XV Рэспубліканскі турыстычны злёт калектываў супрацоўнікаў дзіцячых рэабілітацыйна-аздараўленчых цэнтраў Рэспублікі Беларусь «У турзлёту юбілей, запрашае ён сяброў» на маляўнічым беразе Дняпра, на Жлобінскай зямлі!

Сучасныя турыстычныя злёты і спаборніцтвы - гэта сапраўднае свята для аматараў падарожжаў. Выдатная ідэя па арганізацыі турзлётаў зарадзілася больш за 15 гадоў таму. Менавіта, дзякуючы турзлёту, усе дзіцячыя цэнтры бліжэй пазнаёміліся і пасябравалі, сталі роднымі і блізкімі, бо ўсіх іх аб'ядноўвае галоўная мэта: стварэнне спрыяльных умоў для арганізацыі санаторна-курортнага лячэння і аздараўлення дзяцей з раёнаў, пацярпелых ад аварыі на Чарнобыльскай АЭС. А гэта вельмі высакародную справу!
І вось з году ў год, не парушаючы добрых традыцый, збіраюцца каманды-ўдзельніцы цэнтраў, каб зь вялікай асалодай атрымаць зарад бадзёрасці і духу, загартоўкі і сілы на ўвесь наступны год.

Юбілейны турысцкі злёт сабраў супрацоўнікаў з 9 дзіцячых рэабілітацыйна-аздараўленчых цэнтраў, якія прыехалі з розных куткоў Рэспублікі Беларусь, якія імкнуцца да вяршыняў турыстычнага майстэрства.
Праграма турзлёту была насычанай і цікавай. Каманды спаборнічалі па наступных відах спартыўных спаборніцтваў: тэхніка пешаходнага турызму (кароткая і доўгая дыстанцыі), велатурызм, кернтбол, арыентаванне, эстафета на каньках. А таксама ўдзельнічалі ў творчых конкурсах: візітоўка каманды, турыстычная песня, кулінары.

На кароткай дыстанцыі не было роўных камандзе з ДРАЦ "Колас", на доўгай дыстанцыі ўдача ўсміхнулася ДРАЦ «Пралеска», лепшымі на велатурызм былі ўдзельнікі з ДРАЦ «Жамчужына», чароўны мяч у кернтболе быў у руках ДРАЦ «Сядзельнікі», наймацнейшымі на лёдзе апынуліся спартсмены з ДРАЦ "Пралеска", ў арыентаванні перамога была за ДРАЦ «Надзея». За візітоўку каманды атрымалі 1 месца ўдзельнікі з ДРАЦ «Лясная паляна», а лепшымі выканаўцамі турыстычнай песні апынуліся прадстаўнікі з ДРАЦ «Світанак» і «Сядзельнікі», смачныя стравы з дзічыны падрыхтавалі кухары з ДРАЦ «Лясная паляна».

Усе каманды праявілі сілу волі і цвёрдасць характару, прадэманстравалі спрыт і цягавітасць, ініцыятыву, настойлівасць, дысцыплінаванасць і крэатыўнасць. Разам пераадольвалі перашкоды, разам перажывалі склаліся цяжкасці, разам радаваліся перамогам.

Тры дні праляцелі вельмі хутка і надышлі хвалюючыя хвіліны падвядзення вынікаў турыстычнага злёту. Пераможны п'едэстал занялі прадстаўнікі з ДРАЦ «Лясная паляна» Гродзенскай вобласці, ДРАЦ «Надзея» Мінскай вобласці, ДРАЦ "Пралеска" Гомельскай вобласці, ДРАЦ "Колас" Брэсцкай вобласці. Кубкі, медалі, дыпломы і памятныя прызы ўручаў дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Мікалаевіч Балбатоўскі.
Турзлёт - гэта хвоі, вогнішча, палаткі, гітара, песні, зоркі - адным словам - рамантыка!