Арганізацыя аздараўлення і вольнага часу дзяцей горада Мінска ў лагерах з дзённым знаходжаннем у перыяд дадатковых зімовых канікул для вучняў 1-2 класаў

21-Лютага-2022

У мэтах якаснай арганізацыі аздараўлення і адпачынку дзяцей і падлеткаў, стварэння ўмоў для актыўнага развіваючага вольнага часу навучэнцаў 1-2 класаў у перыяд дадатковых зімовых канікул з 14 па 19 лютага 2022 г. на базе ўстаноў агульнай сярэдняй адукацыі г.Мінска арганізавана работа 204 аздараўленчых лагераў з дзённым знаходжаннем дзяцей працягласцю 6 дзён, у якіх аздароўлена 4199 дзяцей.

Упраўленнямі па адукацыі адміністрацый раёнаў г.Мінска напярэдадні дадатковых канікул праведзена пэўная работа па арганізацыі аздараўлення дзяцей у лагерах, забеспячэнні іх бяспечнага знаходжання, інфармаванні бацькоў, размяшчэнні інфармацыі аб функцыянаванні лагераў на сайтах устаноў адукацыі, інфармацыйных стэндах.

У адпаведнасці з пастановай Савета Міністраў Рэспублікі Беларусь ад 27 красавіка 2013 г. № 317 сума аплаты за харчаванне дзяцей ва ўзросце 6-10 гадоў (з павышаючым каэфіцыентам 1,3) склала 5,06 рубля ў дзень, памер дзяржаўнай датацыі - 3,89 рубля ў дзень. Сума бацькоўскай платы за 6 дзён склала 7,02 рублі.

Усе лагеры былі адкрыты з дазволу органаў санітарнага нагляду з афармленнем адпаведных актаў прыёмкі.

Праца лагераў была арганізавана ў адпаведнасці з зацверджанымі планамі, якія ўключаюць мерапрыемствы, прысвечаныя Году гістарычнай памяці, Дню памяці воінаў-інтэрнацыяналістаў (15 лютага).

У кожнай установе адукацыі для навучэнцаў распрацавана спецыяльная аздараўленчая праграма, якая ўключае правядзенне фізкультурна-аздараўленчых, спартыўных і культурна-масавых мерапрыемстваў, заняткі ў гуртках і секцыях, прадоўжылі работу аб'яднання па інтарэсах, камп'ютарныя клубы і класы; пакоі вольнага часу.

Гарадскім камбінатам школьнага харчавання распрацавана і зацверджана прыкладнае 6-дзённае меню на перыяд работы лагераў, якое адпавядае ўзроставай групе дзяцей.

Праца пунктаў харчавання арганізавана ў кожным лагеры. Кантроль за арганізацыяй харчавання ў сталовых здзяйсняўся бракаражнымі камісіямі, створанымі на перыяд працы лагераў загадамі па ўстановах адукацыі.