На тэрыторыі Магілёўскай вобласці ў перыяд веснавых канікулаў з 27 сакавіка па 01 красавіка 2023 года арганізавана работа 277 аздараўленчых лагераў з дзённым знаходжаннем, у якіх праходзяць аздараўленне 7254 школьнікі. З іх 264 аздараўленчыя лагеры працуюць на базах устаноў агульнай сярэдняй і дадатковай адукацыі дзяцей і моладзі і 13 на базах спецыялізаваных навучальна-спартыўных устаноў.

На гэтыя мэты на патанненне кошту пуцёвак у аздараўленчыя, спартыўна-аздараўленчыя лагеры з дзённым знаходжаннем з рэспубліканскага бюджэту выдзелена звыш 198,0 тыс. рублёў, з разліку на адзін койка-дзень на кожнае дзіця 4 рублі 55 капеек.

Пры камплектаванні груп у лагерах асаблівая ўвага надавалася дзецям са шматдзетных, малазабяспечаных і няпоўных сем'яў, сем'яў, якія знаходзяцца ў сацыяльна-небяспечным становішчы, дзецям з прыёмных і апякунскіх сем'яў, а таксама знаходзяцца на розных відах уліку і кантролі.

Кожны дзень, які праводзіцца ў лагеры, суправаджаюць мерапрыемствы, накіраваныя на вырашэнне задач аздараўлення, духоўна-маральнага, грамадзянскага, патрыятычнага, інтэлектуальнага, працоўнага і экалагічнага выхавання, развіцця творчага патэнцыялу дзяцей, задавальнення іх фізічных патрэб. У лагерах праходзяць розныя конкурсна-гульнявыя, інтэлектуальныя праграмы, прагулкі і гульні на свежым паветры, прафілактычныя гутаркі, тэматычныя ток-шоу, майстар-класы, флэшмобы, квізы, фізкультурна-аздараўленчыя мерапрыемствы.

Дзякуючы арганізаванаму адпачынку за кароткі час канікулаў дзеці набываюць навыкі бяспечных паводзін, фарміруецца грамадзянская пазіцыя ў маладога пакалення, выхоўваецца павага да гісторыка-культурнай спадчыны свайго народа, захавання беларускіх традыцый.

Работа аздараўленчых лагераў арганізавана з улікам выканання санітарна-проціэпідэмічных мерапрыемстваў, супрацьпажарных і іншых патрабаванняў, што прад'яўляюцца пры арганізацыі дзіцячага аздараўлення.

Асноўны дэвіз - "Бяспечныя канікулы - на карысць!".