На тэрыторыі Гомельскай вобласці ў летні перыяд 2023 года была арганізавана работа 123 кругласутачных лагераў, у тым ліку 8 стацыянарных, 13 на арандаванай базе, 102 дзевяцідзённыя лагеры. Акрамя таго, 926 лагераў з дзённым знаходжаннем дзяцей. Лагеры функцыянавалі ў 3-4 змены.

Пуцёўкамі на аздараўленне ў летніх лагерах былі забяспечаны 43277 дзяцей, што склала 102,8% ад плана, у тым ліку ў кругласутачныя лагеры - 11557 дзяцей; у лагеры з дзённым знаходжаннем - 31720 дзяцей.

Адкрыццё змен прайшло з правядзеннем урачыстых мерапрыемстваў, узняццем Дзяржаўнага флага і выкананнем Дзяржаўнага гімна Рэспублікі Беларусь.

Галоўным упраўленнем адукацыі Гомельскага аблвыканкама сумесна з камісіяй па справах непаўналетніх Гомельскага аблвыканкама, а таксама з іншымі зацікаўленымі службамі па арганізацыі летняга аздараўлення былі падрыхтаваны, зацверджаны і рэалізаваны планы міжведамаснай праграмы «Клопат», міжведамаснай праграмы летняй занятасці навучэнцаў2 . Праведзены запланаваныя мерапрыемствы прысвечаныя Дню ўсенароднай памяці ахвяр Вялікай айчыннай вайны і генацыду беларускага народа, Дню незалежнасці Рэспублікі Беларусь.

У рамках рэспубліканскай інфармацыйна-асветніцкай акцыі "Крок да поспеху" былі арганізаваны гутаркі з падлеткамі, накіраваныя на фарміраванне грамадзянскай і патрыятычнай свядомасці з удзелам ганаровых гасцей.

Тэматыка змен у аздараўленчых лагерах была накіравана на выхаванне ў вучняў павагі да традыцыйных каштоўнасцей беларускага народа, папулярызацыю Дзяржаўных сімвалаў Рэспублікі Беларусь, пашырэнне і паглыбленне ведаў дзяцей аб гісторыі краіны праз правядзенне мерапрыемстваў, прысвечаных Году міру і стварэння.

У рамках прафілактыкі дзіцячага траўматызму былі распрацаваны планы мерапрыемстваў, якія ўключалі ў сябе навучальныя заняткі па мерах бяспечных і адказных паводзін пры правядзенні спартыўных, культурна-масавых мерапрыемстваў; прапаганду ведаў, уменняў і навыкаў бяспечнай жыццядзейнасці сярод выхаванцаў;

міжведамасныя мерапрыемствы з Гомельскім абласным упраўленнем па НС, камісіяй па справах непаўналетніх Гомельскага раёна, АСВОД, ДАІ, тэрытарыяльнымі цэнтрамі гігіены і эпідэміялогіі, аддзеламі ідэалагічнай работы, культуры, па справах моладзі Гомельскага райвыканкама і БРСМ.

Адмысловая ўвага надавалася дзецям, якія знаходзяцца на апецы, у сацыяльна-небяспечным становішчы, з асаблівасцямі развіцця. Пры правядзенні мерапрыемстваў яны прыцягваліся да актыўнага ўдзелу. З гэтымі дзецьмі была праведзена індывідуальная работа з псіхолагам і сацыяльным педагогам.

Таксама была арганізавана праца 265 лагераў працы і адпачынку дзённага і кругласутачнага знаходжання, дзе працавалі і адпачывалі 3981 падлетак.

Пры садзейнічанні камітэта па працы, занятасці і сацыяльнай абароне Гомельскага аблвыканкама былі створаны рабочыя месцы для вучняў па розных відах дзейнасці з аплатай працы. Віды работ, якія выконвалі падлеткі: пашыў сцэнічных касцюмаў, пасцельнай бялізны, добраўпарадкаванне прышкольнай тэрыторыі, рамонт школьнай мэблі, выраб скрынь для расады кветак, пясочніц-трансформераў з дахам, сталоў і лавачак, экранаў для батарэй, мальбертаў, стэлажоў для цацак, аформлены праполка кветнікаў і газонаў, праца ў гадавальніку, догляд садовых і лясных насаджэнняў і іншыя.

У лагерах працы і адпачынку падлеткі змаглі зарабіць ад 30,00 да 400,00 рублёў.

Была прадоўжана практыка аздараўлення дзяцей-сірот і дзяцей, якія засталіся без апекі бацькоў, дзяцей-інвалідаў. За лета адпачылі і аздаравіліся 1266 і 556 дзяцей такіх катэгорый адпаведна.

Пашырана практыка функцыянавання лагераў абаронна-спартыўнага і ваенна-патрыятычнага профіляў з дзённым і кругласутачным знаходжаннем, у якіх аздаравіліся 187 і 1352 дзіцяці, адпаведна.

Пільная ўвага надавалася аздараўленню катэгорыі дзяцей, якая мае патрэбу ў індывідуальнай падтрымцы. Так, былі прыняты неабходныя меры па арганізацыі аздараўлення дзяцей, з якімі праводзіцца індывідуальная прафілактычная работа і дзяцей, якія знаходзяцца ў сацыяльна небяспечным становішчы. Паводле звестак раённых аддзелаў адукацыі, летам змаглі аздаравіцца 1293 дзяцей з ліку, якія знаходзяцца на ўліку ў інспекцыі па справах непаўналетніх, якія знаходзяцца ў сацыяльна-небяспечным становішчы.

На працягу ўсяго лета праводзіліся прафілактычныя маніторынгі аздараўленчых лагераў па пытаннях захавання патрабаванняў санітарна-эпідэміялагічнага дабрабыту, супрацьпажарнай бяспекі, норм харчавання і іншым. Гомельскім аблвыканкамам быў зацверджаны графік выездаў у аздараўленчыя лагеры з кругласутачным знаходжаннем у летні перыяд. У склад групы ўваходзілі спецыялісты прадстаўніцтва, санітарнай службы, упраўлення адукацыі. Рэкамендацыі працоўных груп прымаліся ўласнікамі аздараўленчых лагераў да ведама і неадкладна выконваліся.

Адміністрацыяй аздараўленчых лагераў былі прыняты меры па бяспечным знаходжанні дзяцей.