У мэтах якаснай арганізацыі аздараўлення і адпачынку дзяцей і падлеткаў у перыяд зімовых канікул 2023-2024 навучальнага года, стварэння ўмоў для актыўнага развіваючага вольнага часу навучэнцаў з 23 снежня 2023 г. па 7 студзеня 2024 г. будзе арганізавана работа 253 аздараўленчых лагераў з дзённым і дзяцей, у тым ліку 252 лагеры з дзённым знаходжаннем, арганізаваных на базах устаноў агульнай сярэдняй адукацыі, дадатковай адукацыі дзяцей і моладзі, дзе на працягу 7 дзён плануецца аздаравіць больш 11,8 тыс. сталічных школьнікаў.

У лагерах з дзённым знаходжаннем для дзяцей дзяржаўным прадпрыемствам "Камбінат школьнага харчавання г. Мінска" будзе арганізавана трохразовае паўнацэннае харчаванне (сняданак, абед, падвячорак).

У кожнай установе адукацыі для навучэнцаў распрацавана спецыяльная аздараўленча-адукацыйная праграма, якая ўключае правядзенне навагодніх свят, фізкультурна-аздараўленчых, спартыўных і культурна-масавых мерапрыемстваў, гульняў, конкурсаў, турніраў, заняткаў у аб'яднаннях па інтарэсах: гуртках, секцыях, клубах, прагляд мастацкіх і дакументальных фільмаў, правядзенне тэматычных дыскатэк і іншых мерапрыемстваў.

Акрамя таго, у час зімовых канікул навучэнцам будуць прапанаваны профільныя праграмы. Пералік профільных праграм даволі шырокі: экалагічныя, мастацкія, прафарыентацыйныя, праграмы па прафілактыцы дзіцячага дарожнага траўматызму, спартыўныя і інш.

З улікам умоў надвор'я будуць падрыхтаваны каткі, лыжня. Дзеці змогуць узяць на пракат інвентар для зімовых відаў спорту.

Для дзяцей, якія наведваюць аздараўленчыя лагеры з дзённым знаходжаннем створаны максімальныя ўмовы для аздараўлення, адпачынку, рацыянальнага выкарыстання канікулярнага часу, фарміравання ў іх агульнай культуры і навыкаў здаровага ладу жыцця.

Аздараўленчы 9-дзённы лагер "Змена" адкрытага акцыянернага таварыства "Мінскі завод колавых цягачоў" прыме на аздараўленне больш за 130 дзяцей з 23 па 31 снежня. У асноўным, тут пройдуць аздараўленне дзеці работнікаў ААТ "Мінскі завод колавых цягачоў".

Юных мінчан на дзевяць дзён аб'яднае адзіная тэматыка змены - культурна-дасугавая, мэтай якой з'яўляецца фарміраванне і развіццё творчай і актыўнай асобы, якая мае якасці грамадзяніна-патрыёта Беларусі.

Дзяцей чакае цікавая забаўляльна-займальная праграма. У лагеры будуць арганізаваны гурткі і мерапрыемствы, у якіх выхаванцы змогуць праявіць свае таленты і згуртавацца ў дружную каманду.

Для актыўнага адпачынку будуць прапанаваны наступныя мерапрыемствы: конкурс скульптур "Снежнае каралеўства", казачны квэст "Па слядах Дзеда Мароза", інсцэніроўка казак "Навагоднія гісторыі ля вогнішча", Навагодні квіз "Снежныя галаваломкі", конкурс навагодніх флэшмобаў "Зімовы рытм", караоке- батл "Раскажы, Снягурачка", майстар-класы па падрыхтоўцы зімовых сюрпрызаў, тымбілдынг "Прыгажосць беларускай зімы", творчы конкурс "Жартавальныя забавы", важацкі канцэрт "Цуды пад Новы Год", снежныя алімпійскія гульні, стварэнне калажаў "Святы гарадоў Беларусі" і інш

Аздараўленчы лагер "Змена" мае добрую матэрыяльную базу. Пражыванне арганізавана ў 3 спальных карпусах. Да паслуг хлопчыка і дзяўчынкі прадастаўлены ўтульныя 2-х і 4-х мясцовыя нумары для пражывання, актавая зала аснашчана сучаснай аўдыё-, відэа- і светлавой тэхнікай, трэнажорная зала, бібліятэка, памяшканні для гуртковай работы. ,

На тэрыторыі ёсць дзіцячыя гульнявыя пляцоўкі, спартыўная пляцоўка, медыцынскі пункт, лазневы корпус з душавымі, сталовая на 200 пасадачных месцаў, бібліятэка, більярдная зала, настольны тэніс. Уладкавана ўласная лыжная база з інвентаром.

Уся тэрыторыя комплексу абгароджана і ахоўваецца, аснашчана сістэмай відэаназірання.

З улікам кругласутачнага знаходжання ў лагеры для дзяцей будзе арганізавана паўнацэннае 5-разовае збалансаванае харчаванне, якое ў спалучэнні з прыроднымі фактарамі, актыўным адпачынкам, выхаваўчымі і фізкультурна-спартыўнымі мерапрыемствамі забяспечвае добры аздараўленчы эфект.

Асаблівая ўвага ўдзелена арганізацыі харчавання, сістэмнаму кантролю за работай харчаблокаў, выкананню санітарных норм і правілаў, арганізацыі аховы аздараўленчых лагераў і забеспячэнню прапускнога рэжыму, кантролю за станам выхаванцаў з боку медыцынскіх работнікаў.

Дзейнасць лагераў у перыяд зімовых канікул 2023-2024 навучальнага года будзе ажыццяўляцца з улікам выканання ў поўным аб'ёме рэкамендаваных санітарна-гігіенічных мерапрыемстваў.