Восеньскія канікулы ў спартыўна-аздараўленчых лагерах Віцебшчыны

14-Лістапада-2019

У гэтым годзе падчас восеньскіх канікул школьнікі адпачывалі даўжэй, чым звычайна - 10 дзён. У Віцебскай вобласці падчас вакацый была арганізавана работа лагераў дзённага знаходжання, у якіх планавалася аздаравіць 11380 дзяцей, з іх у спартыўна-аздараўленчых - 4800. Са сродкаў рэспубліканскага бюджэту на правядзенне аздараўленчай кампаніі накіравана 288,2 тыс. рублёў.

Для забеспячэння бесперапыннасці вучэбна-трэніровачнага працэсу, спартыўнай падрыхтоўкі, ўмацавання здароўя дзяцей і ў мэтах найлепшага выкарыстання вакацыйнага часу спецыялізаванымі вучэбна-спартыўнымі ўстановамі Віцебскай вобласці была арганізавана работа 45 лагераў з дзённым знаходжаннем. Для гэтага былі задзейнічаныя базы дзіцяча-юнацкіх спартыўных школ, спецыялізаваных дзіцяча-юнацкіх школ алімпійскага рэзерву, абласных цэнтраў алімпійскага рэзерву.

Усе лагера працавалі ў адпаведнасці з планамі спартыўна-масавай і выхаваўчай работы. Культурна-масавыя і спартыўныя мерапрыемствы былі накіраваны на фарміраванне здаровага ладу жыцця, засваенне норм і правілаў бяспекі жыццядзейнасці, фарміраванне рознабакова развітай, маральна-сталай, творчай асобы. Асаблівая ўвага надавалася прафілактыцы шкодных звычак, грамадзянска-патрыятычнаму і працоўнаму выхаванню.
У рамках выхаваўчай работы наведваліся музеі, бібліятэкі, кінатэатры, правядзенне прафілактычных гутарак "Моладзь супраць наркотыкаў", "Мы за здаровы лад жыцця!", Віктарын "Што я ведаю пра спорт?", "Гадзіна вясёлых пытанняў" і іншыя.

Таксама праведзены спаборніцтвы па шашках, шахматах, валейболе, футболе.
Найбольш значнай падзеяй у час канікул стала сустрэча спартсменаў-навучэнцаў спартыўнай Школы з выхадцамі Сенненшчыне Алімпійскай чэмпіёнкай па біятлоне Ірынай Крыўко і 3-х кратным чэмпіёнам свету па біятлоне ў эстафеце Пятром Івашка, якая адбылася 6 лістапада 2019 года ў г. Сянно.