Суботнік на карысць здароўя дзяцей у Гродзенскай вобласці

20-Красавіка-2020

25 красавіка пройдзе рэспубліканскі суботнік. У гэты дзень рэспубліканскія органы дзяржаўнага кіравання, мясцовыя органы ўлады, іншыя арганізацыі на добраахвотнай аснове могуць правесці суботнік на працоўных месцах або добраўпарадкаваць гісторыка-культурныя каштоўнасці, тэрыторыі населеных пунктаў, падрыхтаваць дзіцячыя аздараўленчыя і спартыўна-аздараўленчыя лагеры да летняга сезона.

Актыўна рыхтуецца і прыме ўдзел у гэтым традыцыйным і вельмі патрэбным для нашай краіны мерапрыемстве і Гродзеншчына. Прыемна, што кіраўніцтва вобласці ў гэтым сёлета 25 красавіка будзе працаваць на добраўпарадкаванні дзіцячага аздараўленчага лагера "Зорька юбілейная" Гродзенскага гарвыканкама, тым самым яшчэ раз падкрэсліваючы, наколькі важная ў грамадстве тэма захавання і ўмацавання здароўя падрастаючага пакалення нашай краіны.

Што тычыцца размеркавання заробленых на суботніку сродкаў, то 50% іх застануцца ў распараджэнні аблвыканкамаў і Мінскага гарвыканкама. Яны будуць накіраваны на падрыхтоўку дзіцячых аздараўленчых лагераў да лета, добраўпарадкаванне населеных пунктаў, а таксама аднаўленне гісторыка-культурных каштоўнасцяў, мемарыяльных комплексаў, месцаў баявой і воінскай славы часоў Вялікай Айчыннай вайны. І гэта будзе добрая падмога ў дадатак да 600 тыс. Рублёў з мясцовага бюджэту, 84 тыс. Рублёў з рэспубліканскага бюджэту, выдзеленых на падрыхтоўку да летняга аздараўленчага сезона 2020 года.

Летняя аздараўленчая кампанія на Гродзеншчыне традыцыйна пройдзе арганізавана, а кожны жадаючы дзіця атрымае магчымасць адпачыць весела, цікава і, галоўнае, з карысцю для свайго здароўя.