Адпачынак у санаторыі «Беларусь» у Друскінінкаі

20-Снежня-2021

20 лістапада санаторый «Беларусь» у Друскінінкаі прыняў першую пасля доўгага перапынку групу беларускіх дзяцей на аздараўленне. І ўжо 10 снежня бацькі, спецыялісты абласнога ўпраўлення Рэспубліканскага цэнтра па аздараўленні і санаторна-курортным лячэнні насельніцтва, прадстаўнікі мясцовых СМІ сустракалі поўных сіл і станоўчых эмоцый гродзенскіх дзяцей. Дзеці з задавальненнем дзяліліся сваімі ўражаннямі аб адпачынку з тымі, хто сустракае.

Для трынаццацігадовага Мікіты і пятнаццацігадовага Уладзіслава Сушко са Свіслацкага раёна трохтыднёвы адпачынак запомніцца надоўга.
- Нам трэба абавязкова адправіцца туды ў наступным годзе ўсёй сям'ёй. Гэта, мабыць, першае, пра што адразу ж заявіў старэйшы сын па прыездзе дадому, - заўважае бацька хлапчукоў Віктар Сушко.

- Сказаць, што рабятам спадабалася, - гэта наогул нічога не сказаць. Яны знаходзяцца ў поўным захапленні ад баўлення часу ў беларускай здраўніцы. Вядома, мы не раз чулі аб перавагах санаторыя, аб тым, які спектр лячэбных, аздараўленчых працэдур прапануюць тамака сваім гасцям, таму, калі выпаў шанец пераканацца ў гэтым самім, адмаўляцца не сталі. За тры тыдні Мікіта і Улад умацавалі сваё здароўе, прыемна правялі час, набраліся новых сіл і ўражанняў.

- Калі адпраўлялі сыноў, ніякіх асцярог і быць не магло. Бо ў санаторыі працуюць унікальныя спецыялісты, дзеці атрымліваюць высокакваліфікаваную дапамогу, - дадае Віктар Сушко. Мужчына перакананы: сітуацыя з прыпыненнем працы здраўніцы па нейкіх палітычных матывах - апошняя справа. Задача падобных устаноў - лячыць і аказваць дапамогу тым, хто ў ёй асабліва мае патрэбу. Добра, што здраўніца вярнулася да сваёй звыклай дзейнасці, зноў прымае адпачывальнікаў. Бо для кагосьці гэта жыцьцёва неабходна.

Сярод групы з 76 беларускіх дзяцей аказаліся таксама юныя гродзенцы Яраслаў і Ганна Тумашчык.

- Яраславу 10 гадоў, займаецца спортам, вось, мабыць, нагрузка і дала аб сабе ведаць: узнікла праблема з суставамі. У старэйшай дачкі скаліёз. У санаторый вырашылі адправіць іх разам, як-ніяк удвух весялей. Хаця сумаваць ім там не даводзілася. Мы ўвесь час былі на сувязі, размаўлялі ў групе ў Viber з куратарамі. Дарэчы, у здраўніцы Ганна ўжо другі раз. Дзеці дзяліліся ўражаннямі, расказвалі пра тое, як шмат гулялі па горадзе, хадзілі ў аквапарк, на выставу мясцовага мастака, прымалі ўдзел у розных майстар-класах, наведвалі з экскурсіяй пякарню, дзе вырабляюць традыцыйны літоўскі торт з яечнага цеста – шакоціс. Адным словам, актыўнасцяў хапала, - дзеліцца мама рабят Наталля Троцкая. Паводле яе слоў, нягледзячы на разнастайнасць вольнага часу, на першы план усё ж выходзіў працэс аздараўлення. - Належная ўвага была ўдзелена кожнаму дзіцяці, пасля дбайнай кансультацыі прызначалі працэдуры. Яны мелі комплексны характар. У спісе гразевыя аплікацыі, розныя віды масажу, фізіятэрапеўтычныя працэдуры, лячэбныя чаі, мінеральная вада - усё для таго, каб умацаваць імунітэт дзіцяці. Думаю, калі будзе магчымасць зноў наведаць здраўніцу, паедзем без роздумаў.

Чарговая група дзяцей з Гродзенскай і Віцебскай абласцей накіравалася ў санаторый 11 снежня. Там яны правядуць таксама тры тыдні, сустрэнуць калядныя святы і напярэдадні Новага года вернуцца дамоў.