Святкаванне Дня Незалежнасці ў аздараўленчых лагерах Брэсцкай вобласці стала адной са знакавых падзей другой змены. У гэты дзень у аздараўленчых лагерах праводзіліся мерапрыемствы, якія далі магчымасць пазнаёміць дзяцей з дасягненнямі Рэспублікі Беларусь за гады незалежнасці. Да гістарычна значнай даты ў лёсе нашай краіны, якая стала сімвалам свабоды і міру, ва ўсіх аздараўленчых лагерах прайшлі ўрачыстыя лінейкі.

У дзіцячым аздараўленчым лагеры "Будаўнік" ААТ "Будтрэст № 25" Баранавіцкага раёна была арганізавана ваенна - патрыятычная гульня "Зарніца".

Аздараўленчы лагер "Лясная вясёлка" ўпраўлення па адукацыі Баранавіцкага гарвыканкама прыняў у гэты дзень дзяцей з творчых калектываў, спартыўных секцый і ваенна-патрыятычнага клуба "Патрыёт" Палаца дзіцячай творчасці г. Баранавічы. Выхаванцы прынялі ўдзел у гульні-падарожжы "Беларускія народныя гульні".

У аздараўленчым лагеры "Брыганціна" аддзела па адукацыі Іванаўскага райвыканкама быў арганізаваны прагляд кінафільм "Сядай побач, Мішка", праведзены конкурс малюнкаў на асфальце "Беларусь мая прыгожая!". Для выхаванцаў аздараўленчага лагера была прадстаўлена тэатральная замалёўка з элементамі рэканструкцыі "Пра тую вайну". А завяршыўся дзень святочным канцэртам, прысвечаны Дню Незалежнасці.

У рамках святкавання Дня Незалежнасці Рэспублікі Беларусь у дзіцячым аздараўленчым лагеры "Электрон" філіяла РУП "Брэстэнерга" "Баранавіцкія электрычныя сеткі" выступіла канцэртная група ВПС і СПА ВС РБ.

  У аздараўленчым лагеры "Дубравушка" аддзела па адукацыі Івацэвіцкага райвыканкама прайшлі квэст-гульня "Беларусь і я", конкурс малюнкаў, флэшмоб "Наша Беларусь".

У абласным аздараўленчым лагеры "Ювента" прайшоў мітынг-рэквіем "Мы памятаем" каля мемарыяла "Брацкая магіла" ў аграгарадку Быцень. У рамках музычнай гасцёўні "Нашы песні - наша жыццё" было арганізавана праслухоўванне песень выканаўцаў беларускай эстрады патрыятычнай накіраванасці. А завяршыўся тэматычны дзень канцэртам "Мы дзеці твае Беларусь!" з выступленнямі творчых калектываў лагера.

 У раённым профільным лагеры "Лідэр" Ганцавіцкага раёна прайшоў тэматычны дзень "Гонар за Беларусь. Мой дом - Белая Русь", у рамках якога прайшлі наступныя мерапрыемствы:

 - Рэспубліканскі экскурсійны марафон "Дзіцячы аўтацягнік", наведаны музей гісторыі Вялікай Айчыннай вайны ў г.Мінску;

 - Патрыятычная акцыя "Прыйдзі і пакланіся" (ускладанне кветак да брацкай магілы);

- Патрыятычная акцыя "Нашы сімвалы - наш гонар";

- Квіз "Пазнай Беларусь";

- Танцавальная праграма "Беларусь маладая".

У аздараўленчым лагеры "Парэчча" аддзела па адукацыі Пінскага райвыканкама пад дэвізам "Са святам, незалежная, любімая, родная Беларусь!" прайшлі святочныя мерапрыемствы. А завяршыла тэматычны дзень канцэртная праграма "Незалежная, родная, каханая!".

   У аздараўленчым лагеры "Вінч" аддзела па адукацыі Драгічынскага райвыканкама былі арганізаваны конкурс ідэй "Малая радзіма - вялікая будучыня", конкурс малюнкаў "Няхай заўсёды будзе сонца", музычны марафон патрыятычнай песні".

  У ваенна-патрыятычны лагер "Прыбужжа" на базе воінскай часці 92504 Брэсцкага раёна з выхаванцамі правялі віктарыну "Ці ведаеце вы Беларусь?".

У аздараўленчым лагеры "Чайка" аддзела па адукацыі Ляхавіцкага райвыканкама прайшоў тэматычны дзень "Беларусь - сэрцу мілы край". На працягу дня ўсе прымалі актыўны ўдзел у шэрагу творчых мерапрыемстваў: конкурсе малюнкаў "Беларусь мая сінявокая!", акцыі "Мая малая радзіма", гульні-падарожжы "Жыву ў Беларусі і гэтым ганаруся". Хлопцы прынялі ўдзел у вольным мікрафоне "Песні для краіны". Дзеці віртуальна наведалі аб'екты, звязаныя з ваеннай гісторыяй Ляхавіцкага раёна, лёсамі ўдзельнікаў, відавочцаў і ахвяр вайны. Выніковым мерапрыемствам дня стаў святочны фестываль "І няхай пакаленні памятаюць…".

У аздараўленчым лагеры "Вясёлка" з дзённым знаходжаннем, арганізаваным на базе ДУА "Сярэдняй школы № 9 г. Баранавічы", прайшлі цікавыя і змястоўныя мерапрыемствы, накіраваныя на тое, каб дзеці яшчэ больш даведаліся аб сімвалах Беларусі, культуры і гісторыі нашай краіны. Дзеці прынялі ўдзел у гутарцы-дыялогу "Шчасце - жыць у мірнай краіне", абмеркавалі пытанні аб сучаснай Беларусі, узгадалі яркія старонкі гісторыі нашай дзяржавы, гістарычных асоб, якімі ганарацца сучасныя беларусы. Вусны часопіс "Гаворыць крэпасць…" пазнаёміў хлопцаў з гераічным подзвігам савецкага народа ў гады Вялікай Айчыннай вайны. Прымаючы ўдзел у пазнавальнай праграме "Адметныя знакі маёй краіны", хлопцы назвалі асаблівасці сімвалаў нашай дзяржавы. Натхніў хлопчыкаў і дзяўчынак на творчасць конкурс малюнка на асфальце "Мы малюем Беларусь". Старэйшыя атрады з азартам прынялі ўдзел у спартыўна-патрыятычнай гульні "Бастыён мужнасці".

Усе мерапрыемствы, прысвечаныя святкаванню Дня Незалежнасці Рэспублікі Беларусь, асвятляліся ў Telegram-каналах упраўленняў (аддзелаў) па адукацыі гаррайвыканкамаў, на сайтах устаноў адукацыі Брэсцкай вобласці, рэгіянальных СМІ, сацыяльных сетках і месэнджэрах, у групах Viber і інш.

Гэтыя мерапрыемствы садзейнічалі згуртаванню і выхаванню патрыятычных пачуццяў дзяцей, матывацыі вывучаць гісторыю роднай краіны, захоўваць і памнажаць культурную спадчыну малой радзімы, захоўваць гістарычную памяць.