Паводле папярэдніх даных на тэрыторыі Гомельскай вобласці ў перыяд зімовых канікул 2022-2023 навучальнага года на базах устаноў агульнай сярэдняй адукацыі, дадатковай адукацыі дзяцей і моладзі, спецыялізаваных навучальна-спартыўных устаноў будзе функцыянаваць больш як 400 аздараўленчых лагераў з дзённым знаходжаннем рознага профілю, у якіх будуць забяспечаны аздараўленнем 8900 дзяцей. Працягласць змены складзе дзевяць дзён.

З гэтай мэтай са сродкаў рэспубліканскага бюджэту на аздараўленне дзяцей Гомельскай вобласці выдзелена каля 360 тыс. рублёў. Згодна з загадам Рэспубліканскага цэнтра па аздараўленні і санаторна-курортным лячэнні насельніцтва ад 13.12.2021 № 80 памер сродкаў на патанненне кошту пуцёвак у аздараўленчыя, спартыўна-аздараўленчыя лагеры з дзённым знаходжаннем на адзін койка-дзень на кожнае дзіця складае 4 рублі 55 кап. Бацькоўская плата за пуцёўку ў лагер з дзённым знаходжаннем устанаўліваецца ў памеры даплаты да поўнага кошту пуцёўкі.

Сярэдні кошт пуцёўкі ў аздараўленчыя лагеры з дзённым знаходжаннем у залежнасці ад узросту дзіцяці плануецца ў памеры: для дзяцей 6-10 гадоў - 47,96 рублёў, 11-13 гадоў - 52,56 рублёў, 14-17 гадоў - 54,02 рублёў.

У адпаведнасці з Палажэннем аб парадку арганізацыі аздараўлення дзяцей у аздараўленчых, спартыўна-аздараўленчых лагерах работа лагераў арганізоўваецца па заяўнаму прынцыпу. Для залічэння дзіцяці ў лагер з дзённым знаходжаннем бацькі (асобы, якія іх замяняюць) падаюць пісьмовую заяву адпаведна ва ўстанову адукацыі па месцы вучобы дзіцяці, спецыялізаваную навучальна-спартыўную ўстанову, сярэднюю школу - вучылішча алімпійскага рэзерву. Прымаюцца дзеці ў лагер з дзённым знаходжаннем на падставе загадаў кіраўнікоў названых устаноў, арганізацый.

Пры фарміраванні лагераў улічваецца сацыяльны статус дзяцей: аддаецца перавага непаўналетнім са шматдзетных, малазабяспечаных і няпоўных сем'яў, якія знаходзяцца ў сацыяльна-небяспечным становішчы і знаходзяцца на розных відах уліку, на ўнутрышкольным кантролі, навучэнцаў са шматдзетных і малазабяспечаных сем'яў, дзецям з прыёмных.

Аздараўленчыя лагеры арганізоўваюцца з захаваннем санітарных, супрацьпажарных і іншых патрабаванняў, якія прад'яўляюцца пры арганізацыі дзіцячага аздараўлення. У мэтах мінімізацыі рызыкі заносу і распаўсюджвання інфекцыі COVID-19 у лагерах забяспечваецца выкананне санітарна-проціэпідэмічных мерапрыемстваў, рэкамендаваных Міністэрствам аховы здароўя Рэспублікі Беларусь.

Харчаванне ў лагерах плануецца арганізаваць на падставе норм харчавання і грашовых норм расходаў на харчаванне, устаноўленых заканадаўствам Рэспублікі Беларусь. Пітны рэжым - з выкарыстаннем упакаванай пітной вады і аднаразовага посуду.

Для працы ў летніку плануецца задзейнічаць настаўнікаў пачатковых класаў, сацыяльных педагогаў, педагогаў-арганізатараў, настаўнікаў музыкі, фізічнай культуры і здароўя, бібліятэкараў.

Арганізатарамі аздараўленчых лагераў распрацоўваюцца спецыяльныя аздараўленча-адукацыйныя праграмы, якія ўключаюць правядзенне фізкультурна-аздараўленчых, спартыўных і культурна-масавых мерапрыемстваў.

Адным з важных напрамкаў выхаваўчай работы ў перыяд зімовых канікулаў з'яўляецца прапаганда здаровага ладу жыцця. У сувязі з гэтым у лагерах плануецца правядзенне розных заняткаў з элементамі казкатэрапіі, віктарын, трэнінгаў і інш. , прагулкі-практыкумы і інш. Таксама на працягу змены ў лагерах запланаваны валанцёрскія ранішнікі, конкурсы і гульні, прагулкі на свежым паветры, экскурсіі і розныя навагоднія мерапрыемствы.

Пераможцаў міжнародных, абласных і рэспубліканскіх творчых конкурсаў, спартыўных спаборніцтваў, дзяцей-інвалідаў, дзяцей са шматдзетных, малазабяспечаных сем'яў, дзяцей-сірот чакае ўдзел у навагоднім дабрачынным свяце, якое адбудзецца 28 снежня 2022г. на базе гарадскога цэнтра культуры, пры ўдзеле старшыні Гомельскага гарвыканкама Прывалава В.А., а таксама ў абласным дабрачынным навагоднім свяце 27 снежня 2022 года на базе Гомельскага дзяржаўнага цырка пры ўдзеле губернатара Гомельскай вобласці І.І. Крупка.

Такім чынам, для дзяцей Гомельскай вобласці ў перыяд зімовых канікулаў будуць створаны максімальныя ўмовы для аздараўлення, адпачынку, рацыянальнага і цікавага выкарыстання канікулярнага часу.