На тэрыторыі Магілёўскай вобласці ў перыяд восеньскіх канікулаў з 27 кастрычніка па 3 лістапада 2024 года арганізавана работа 291 аздараўленчага лагера з дзённым знаходжаннем на базах устаноў агульнай сярэдняй адукацыі, дадатковай адукацыі дзяцей і моладзі, спецыялізаваных навучальна-спартыўных устаноў.

У лагерах змогуць прайсці аздараўленне больш як 8500 дзяцей і падлеткаў.

З гэтай мэтай на патанненне кошту пуцёўкі ў лагеры выдзелена больш за 200,0 тыс. рублёў са сродкаў рэспубліканскага бюджэту, з разліку на адно дзіця ў дзень 5,0 рублёў.

Сярэдні кошт пуцёўкі ў аздараўленчыя лагеры ў залежнасці ад узросту дзіцяці склаў у памеры: для дзяцей 6-10 гадоў - 29,48 рублёў, 11-13 гадоў - 34,18 рублёў, 14-17 гадоў - 40,2 рублёў.

Пры залічэнні дзяцей у лагер асаблівая ўвага і перавага надавалася аздараўленню непаўналетніх дзяцей са шматдзетных, малазабяспечаных, прыёмных, апякунскіх, няпоўных сем'яў, якія знаходзяцца ў сацыяльна-небяспечным становішчы і знаходзяцца на розных відах уліку.

Работа аздараўленчых лагераў арганізавана з улікам выканання санітарна-проціэпідэмічных мерапрыемстваў, супрацьпажарных і іншых патрабаванняў, што прад'яўляюцца пры арганізацыі дзіцячага аздараўлення.

Кожны дзень у лагеры насычаны рознымі займальнымі заняткамі. Пры правядзенні культурна-масавых і спартыўных мерапрыемстваў забяспечана максімальнае знаходжанне дзяцей на вольным паветры. У лагерах праходзяць конкурсна-гульнявыя, інтэлектуальныя праграмы, прафілактычныя гутаркі, тэматычныя ток-шоу, спартыўныя спаборніцтвы.

Час, праведзены ў лагеры, у дзіцяці будзе арганізаваны цікава і пазнавальна, напоўнены зместам і сэнсам. За гэты кароткі перыяд юнакі і дзяўчаты змогуць атрымаць станоўчыя эмоцыі і пазітыўны зарад.