У перыяд летніх школьных канікулаў 2025 года ў вобласці была арганізавана работа 693 лагераў з кругласутачным і дзённым знаходжаннем, у якіх аздаравілася 51740 дзяцей, у тым ліку ў лагерах з дзённым знаходжаннем - 30887 дзяцей, у стацыянарных кругласутачных - 188. аздараўлення школьнікаў максімальна выкарыстоўвалася база стацыянарных лагераў, якія працавалі ў 4-х, 5-ці зменным працоўным рэжымах.

Адной з форм арганізацыі выхаваўчай работы ў лагерах было правядзенне тэматычных змен, накіраваных на фарміраванне традыцыйных каштоўнасцей беларускага народа, павагі да гістарычнага мінулага і дасягненняў краіны на сучасным этапе, папулярызацыю дзяржаўных сімвалаў Рэспублікі Беларусь.

Праводзілася работа па рэалізацыі тэматычных праграм дадатковай адукацыі дзяцей і моладзі ваенна-патрыятычнага профілю.

У летні перыяд у вобласці працавалі спартыўна-аздараўленчыя лагеры з кругласутачным і дзённым знаходжаннем, дзе адпачывалі і трэніраваліся 8334 спартсмены.

Прыярытэтнай задачай у перыяд летняй аздараўленчай кампаніі было і застаецца аздараўленне дзяцей ільготных катэгорый, дзяцей, якія знаходзяцца ў сацыяльна неабароненым становішчы. За кошт сродкаў абласнога і мясцовых бюджэтаў праводзілася даплата да поўнага кошту пуцёвак для дзяцей-інвалідаў і дзяцей-сірот.

У мэтах захавання рэжыму санітарна-эпідэміялагічнага дабрабыту праводзіўся пастаянны прафілактычны маніторынг дзейнасці лагераў. Асноўная ўвага надавалася выкананню патрабаванняў санітарных норм і правіл.

У цяперашні час завяршаецца I этап рэспубліканскага агляду-конкурсу на лепшы лагер. Удзел у конкурсе садзейнічае выяўленню і распаўсюджванню лепшага вопыту работы лагераў па аздараўленню дзяцей, фарміраванню навыкаў здаровага ладу жыцця і ўсвядомленага стаўлення да свайго здароўя і навакольнага асяроддзя, выкарыстанню педагагічных тэхналогій, перспектыўных форм і мадэлей арганізацыі змен у лагеры; павышэнню творчай актыўнасці педагагічных, медыцынскіх і іншых работнікаў лагераў; стымуляванню ўласнікаў лагераў да ўмацавання і развіццю іх матэрыяльнай базы, добраўпарадкаванню тэрыторыі, забеспячэнню абсталяваннем, інвентаром для паўнацэннага адпачынку і аздараўлення дзяцей.

Пераможцы агляду-конкурсу на рэспубліканскім узроўні будуць вызначаны ў кастрычніку.