Санаторыі Магілёўскай вобласці бяруць актыўны ўдзел у мерапрыемствах, прымеркаваных да Дня народнага адзінства.

Так, у санаторыі "Энергетык" адбылася акцыя, прымеркаваная да Дня народнага адзінства Рэспублікі Беларусь. Кіраўнікі РУП "Магілёўэнерга" і яго філіялаў высадзілі больш за два дзясяткі маладых кедраў, заклаўшы "Алею адзінства" — сімвал пераемнасці пакаленняў, сілы і згуртаванасці беларускага народа.

Па словах генеральнага дырэктара РУП «Магілёўэнерга» Канстанціна Пуцілы, ініцыятыва нясе ў сабе не толькі экалагічную каштоўнасць, але і глыбокі сімвалічны сэнс:

"Гэта не проста экалагічная ініцыятыва, дзякуючы якой мы ўносім свой уклад у сучаснасць і будучыню нашых пакаленняў, гэта выдатны сімвал адзінства і клопату аб сваёй зямлі", - падкрэсліў ён.

Дзякуючы намаганням кіраўнікоў і прафсаюзнага актыву ў санаторыі "Энергетык" з'явілася маладая алея кедраў. Яна стане не толькі аздабленнем тэрыторыі, але і месцам сілы і натхнення для будучых пакаленняў энергетыкаў і ўсіх беларусаў.

Акцыя прадэманстравала, што адзінства народа - гэта не толькі словы, але і рэальныя справы, якія аб'ядноўваюць і ствараюць трывалы падмурак для будучыні.