На працягу 9 месяцаў 2025 года адзначана стабільная работа і нарошчванне аб'ёмаў аказання паслуг санаторна-курортнымі і аздараўленчымі арганізацыямі Магілёўскай вобласці.

За студзень-верасень бягучага года санаторна-курортнымі і аздараўленчымі арганізацыямі вобласці было рэалізавана 40.916 пуцёвак. З агульнага аб'ёму прададзеных пуцёвак 25,2 працэнта рэалізаваны Рэспубліканскаму цэнтру па аздараўленню і санаторна-курортнаму лячэнню насельніцтва, 23 працэнты прыпадае на рэалізацыю юрыдычным асобам і 51,7 працэнта фізічным.

Выручка ад рэалізацыі паслуг склала 38.159 тыс. рублёў, у тым ліку ад рэалізацыі паслуг замежным грамадзянам 7834 тыс. рублёў.

Выручка ад рэалізацыі дадатковых платных паслуг склала 3718 тыс. рублёў, з іх медыцынскіх - 2875 тыс. рублёў.

Значным напрамкам у рабоце санаторна-курортных арганізацый з'яўляецца экспарт паслуг. За 9 месяцаў бягучага года ў здраўніцах Магілёўшчыны атрымалі санаторна-курортнае лячэнне 6174 чалавекі з блізкага і далёкага замежжа. Агульная колькасць замежных грамадзян, якія знаходзіліся ў санаторыях рэгіёну, на працягу 9 месяцаў 2025 года ўзрасла на 1174 чалавекі або на 23,5 працэнта да студзеня-верасня 2024 года.

З іх 3001 чалавек прыняў санаторый ім. У.І.Леніна, на долю якога прыпала 48,6 працэнта ад усіх замежных грамадзян, якія знаходзяцца ў санаторыях вобласці.

У мэтах павышэння попыту на санаторна-курортныя і аздараўленчыя паслугі, забеспячэння стабільнай работы, санаторыямі вобласці пастаянна ўдасканальваецца матэрыяльная база, укараняюцца новыя віды паслуг.

За 9 месяцаў 2025 года толькі санаторна-курортнымі арганізацыямі на ўмацаванне матэрыяльна-тэхнічнай базы было накіравана больш за 2075 тыс. рублёў.

У санаторыях вяліся рамонтныя работы, набывалася медыцынскае і тэхналагічнае абсталяванне, распрацоўваліся новыя віды медыцынскіх паслуг.

Усімі здраўніцамі вобласці праводзіцца работа па прасоўванні санаторна-курортных паслуг праз удзел у выставачных мерапрыемствах, выкарыстанне СМІ, укараненне скідак, акцыі, дадатковыя рэкламныя мерапрыемствы, укараненне новых відаў паслуг.

Запаўняльнасць санаторна-курортных і аздараўленчых арганізацый Магілёўскай вобласці за студзень-верасень 2025 года склала 85 працэнтаў.