20 лістапада ў рамках адзінага дня інфармавання з калектывам Слонімскай фабрыкі мастацкіх вырабаў сустрэліся дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Мікалаевіч Балбатоўскі, начальнік Гродзенскага абласнога ўпраўлення Рэспубліканскага цэнтра па аздараўленні і санаторна-курортным лячэнні насельніцтва Анатоль Часлававіч Ганчар і намеснік старшыні раённага выканаўчага камітэта Тэрэса Вацлаваўна Юшкевіч..

Завяршыўшы дыялог з калектывам, госці фабрыкі падрабязна азнаёміліся з вытворчасцю.

- Ужо стала сістэмай, што кіраўнікі рэспубліканскага ўзроўню штомесяц выязджаюць у розныя працоўныя калектывы. Пасля наведвання Слонімскай фабрыкі мастацкіх вырабаў - вельмі цікавага і ўнікальнага прадпрыемства, дзе сапраўды захоўваецца культурная і гістарычная спадчына нашай краіны - я ўпэўнены, што ў гэтай вытворчасці ёсць будучыня, - рэзюмаваў па выніках сустрэчы Генадзь Мікалаевіч Балбатоўскі.

Сфера па аздараўленні і санаторна-курортным лячэнні мае вялікую зацікаўленасць у сувенірным асартыменце для прыцягнення турыстаў і павелічэння экспарту турыстычных паслуг. І прадукцыя гэтай фабрыкі мае вялікі патэнцыял.