У дзіцячым санаторыі "Свіслач" у Асіповіцкім раёне заклалі юбілейную алею ў гонар 50-годдзя ўстановы. Маладзёжная рада Федэрацыі прафсаюзаў Беларусі арганізавала высадку 150 туй, якія сталі сімвалам даўгалецця, здароўя і пераемнасці.

Работы па пасадцы праходзілі пад кіраўніцтвам спецыялістаў лясной гаспадаркі, якія забяспечылі правільны догляд саджанцаў і падзяліліся рэкамендацыямі па іх далейшым вырошчванні.

Санаторый "Свіслач" на працягу 50 гадоў спецыялізуецца на аздараўленні і рэабілітацыі дзяцей з захворваннямі органаў дыхання, стрававання, нервовай і сардэчна-сасудзістай сістэм.

За паўстагоддзя сваёй працы санаторый "Свіслач" стаў для тысяч дзяцей не проста месцам, дзе ўмацоўваецца здароўе, але і крыніцай яркіх уражанняў, працягваючы слаўныя традыцыі беларускай санаторна-курортнай галіны.