З 7 па 9 жніўня 2026 года на Гомельшчыне ў ДРАЦ "Пціч" 6 каманд з ліку супрацоўнікаў дзіцячых рэабілітацыйна-аздараўленчых цэнтраў Рэспублікі змагаліся за званне самага спартыўнага і творчага калектыву. Дваццаты турзлёт у Год беларускай жанчыны праходзіў пад дэвізам "Сэрца Радзімы - у жаночых руках".

Адразу пасля ўрачыстага адкрыцця каманды пачалі спаборніцтвы. Першымі спаборнічаць пачалі жанчыны. У конкурсе "Лэдзі RUN" дзяўчатам спатрэбіліся хуткасць, спрыт, крэатыўнасць і кемлівасць. Тэмай конкурсу візітак стала: "Беларуская жанчына: крыніца сілы і натхнення". Турыстычная эстафета змясціла ў сябе тэхнікі пешаходнага, веласіпеднага і воднага турызму. Удзельнікі выяўлялі лепшых у конкурсах: "Простынбол", "Выдатны стрэлак", "Водны перапалох", "Востраў скарбаў", "Кот у мяшку", "КОРН-ХОЛ". Конкурснай стравай кулінарнага конкурсу стала "Беларуская мачанка".

Трохдзённы спаборніцкі марафон стаў для ўдзельнікаў яскравай падзеяй і, вядома, вызначыў лідэраў:

1 месца заваяваў ДРАЦ «Колас»,

2 месца ў ДРАЦ «Пралеска»,

3 месца ў ДРАЦ "Сядзельнікі".

Дыпломы, кубкі і прызы пераможцам уручыў дырэктар Рэспубліканскага цэнтра па аздараўленні і санаторна-курортным лячэнні насельніцтва Балбатоўскі Генадзь Мікалаевіч.

Вынікам юбілейнага турыстычнага злёту сталі не толькі кубкі і прызы, але і моцныя сяброўскія сувязі, зарад энергіі для далейшай працы на карысць здароўя маладога пакалення беларусаў і цвёрдая ўпэўненасць у тым, што гэтая турыстычная традыцыя будзе жыць і развівацца.