- Галоўная
- Навіны
- Агульная інфармацыя
- Адміністрацыйныя працэдуры
- Дзяржаўныя закупкі
- Дакументы
- Паказчыкі дзейнасці
- Санаторна-курортныя арганізацыі
- Аздараўленчыя арганізацыі
- Аздараўленчыя, спартыўна-аздараўленчыя лагеры
- Як атрымаць пуцёўку
- Як дабрацца да здраўніц, размешчаных за мяжой
- Кантакты і час працы
- Вышэйстаячы дзяржаўны орган
Адкрыццё летняй аздараўленчай кампаніі 2022 года у Гомельскай вобласці
23-Чэрвеня-20221 чэрвеня ў Міжнародны дзень аховы дзяцей у Гомельскай вобласці адбыўся старт летняй аздараўленчай кампаніі 2022 года.
У летні перыяд у аздараўленчых лагерах плануецца аздаравіць 40070 дзяцей, у тым ліку ў лагерах з кругласутачным знаходжаннем 10585 чалавек, з дзённым знаходжаннем - 29485 чалавек.
У вобласці арганізавана работа 8 стацыянарных (загарадных) аздараўленчых лагераў і 2-х лагераў на базе санаторна-курортных арганізацый (СКУП "Санаторый "Сярэбраныя ключы" і КУП "Санаторый "Залатыя пяскі"), якія будуць функцыянаваць у 3-4 змены.
Па традыцыі асаблівая ўвага ў час канікулаў будзе ўдзелена дзецям са шматдзетных, прыёмных, апякунскіх сем'яў, а таксама непаўналетнім, якія знаходзяцца ў сацыяльна небяспечным становішчы і на розных відах прафілактычнага ўліку. Адпачыць у лагерах змогуць 1190 дзяцей-сірот і 450 дзяцей з асаблівасцямі псіхафізічнага развіцця.
Праца па падрыхтоўцы аздараўленчых лагераў да летняй аздараўленчай кампаніі прайшла ў поўным аб'ёме ў адпаведнасці з рашэннем Гомельскага абласнога выканаўчага камітэта ад 16 мая 2022 г. №380 "Аб арганізацыі аздараўлення дзяцей Гомельскай вобласці ў летні перыяд 2022 года". На правядзенне мерапрыемстваў па падрыхтоўцы стацыянарных лагераў Гомельскай вобласці да летняга перыяду выдзелена 104 673 рублі, з іх сродкаў рэспубліканскага бюджэту 41 661 рубель, сродкаў абласнога бюджэту 63 012 рублёў.
Распараджэннем Гомельскага аблвыканкама ад 6 мая 2022 г. № 113-р "Аб выдзяленні сродкаў з абласнога бюджэту" прадугледжана размеркаванне сродкаў па раёнах вобласці на патанненне кошту пуцёўкі ў аздараўленчыя лагеры з кругласутачным знаходжаннем і даплаты да поўнага кошту пуцёвак для дзяцей-сірот і дзяцей, тых, хто застаўся без апекі бацькоў, для дзяцей-інвалідаў, для дзяцей са шматдзетных і малазабяспечаных сем'яў з абласнога бюджэту на суму 110 777 рублёў.
Галоўным упраўленнем адукацыі Гомельскага аблвыканкама распрацаваны і зацверджаны план абласных арганізацыйна-практычных мерапрыемстваў па падрыхтоўцы да летняй аздараўленчай кампаніі 2022 года і праект міжведамаснай праграмы "Лета на карысць 2022". Асаблівасць абласнога праекта ў 2022 годзе ў тым, што значна павялічана колькасць мерапрыемстваў грамадзянска-патрыятычнага, ваенна-патрыятычнага і гісторыка-краязнаўчага напрамкаў.
Упраўленнем па ахове здароўя Гомельскага аблвыканкама выдадзены загад ад 6 мая 2022 г. № 543 "Аб медыцынскім забеспячэнні летняга аздараўлення дзяцей і падлеткаў у 2022 годзе", згодна з якім зацверджаны пералік устаноў аховы здароўя, замацаваных за стацыянарнымі аздараўленчымі лагерамі, прызначаны курыр. Арганізаваны падбор і накіраванне медыцынскіх работнікаў у летнія аздараўленчыя лагеры, забяспечана іх падрыхтоўка па пытаннях аказання хуткай медыцынскай дапамогі дзецям пры неадкладных станах.
Падпісанне пашпартоў гатоўнасці і адкрыццё аздараўленчых лагераў ажыццёўлена згодна з зацверджанымі графікамі.
Мясцовым выканаўчым і распарадчым органам, уласнікам аздараўленчых лагераў, зацікаўленым арганізацыям пастаўлены задачы па забеспячэнні бяспечнага знаходжання дзяцей Гомельскай вобласці на аздараўленні ў перыяд дзіцячай летняй аздараўленчай кампаніі 2022 года.