Летнія канікулы складаюць значную частку вольнага часу дзяцей. Гэты перыяд як нельга больш спрыяльны для развіцця іх творчага патэнцыялу, удасканалення асобасных магчымасцяў, далучэння да каштоўнасцяў культуры, уваходжання ў сістэму сацыяльных сувязяў, увасабленні ўласных планаў, задавальненні індывідуальных інтарэсаў.

Кожны дзень, праведзены ў лагеры, па-свойму незабыўны, поўны эмоцый і ўражанняў. Арганізатары дзіцячых аздараўленчых лагераў увасабляюць у жыццё мноства праектаў, конкурсаў і пазнавальных мерапрыемстваў, каб палепшыць лагерныя будні і зрабіць адпачынак выхаванцаў запамінальным.

Так, з 8 жніўня па 25 жніўня на базе Мінскага абласнога кадэцкага вучылішча ў Слуцку праходзіў профільны аздараўленчы лагер юных ратавальнікаў-пажарных, дзе былі сабраны самыя актыўныя, спартыўныя і таленавітыя дзеці сталічнага рэгіёну. Карыснае і цікавае аздараўленне для іх арганізавала ўстанова "Мінскае абласное ўпраўленне МНС" сумесна з галоўным упраўленнем па адукацыі Мінаблвыканкама, абласной арганізацыяй РДГА "Беларускае добраахвотнае пажарнае таварыства", Мінскім абласным аддзяленнем Беларускай маладзёжнай грамадскай арганізацыі ратавальнікаў-пажарных.

У ліку важнейшых задач, якія ставілі перад сабой арганізатары лагера юных ратавальнікаў-пажарных - грамадзянскае і патрыятычнае выхаванне падрастаючага пакалення, прывіццё падрастаючаму пакаленню навыкаў беражлівых адносін да помнікаў гісторыі, культуры, прыродзе. Адпачынак у лагеры садзейнічаў агульнафізічнаму развіццю падлеткаў, раскрыццю іх творчых здольнасцей. Тут школьнікі Міншчыны навучыліся навыкам выжывання і гарантавання бяспекі ў надзвычайных сітуацыях, замацавалі тэарэтычныя веды па бяспецы жыццядзейнасці. Таксама лагер прафесійна арыентаваў навучэнцаў на пажарную аварыйна-выратавальную справу і яшчэ больш папулярызаваў прафесію ратавальніка-пажарнага.

Для кожнага з хлопцаў у лагеры знайшоўся занятак, які адпавядае іх здольнасцям і талентам: пажарна-выратавальны спорт, медыцына, ОБЖ, страявая падрыхтоўка, ратаванне на водах, КВЗ, творчасць і фізкультура. Кожны дзень хлапчукі і дзяўчынкі адточвалі сваё майстэрства, веды і ўменні, весела, цікава з карысцю бавілі час, атрымлівалі збалансаванае харчаванне, і пры гэтым яны былі акружаны клопатам і ўвагай сваіх выхавальнікаў і трэнераў.