Па выніках работы 2022 года ў санаторна-курортных і аздараўленчых арганізацыях прайшлі санаторна-курортнае лячэнне і аздараўленне 15100 жыхароў вобласці, што складае 101,1% у адносінах да 2021 года. На гэтыя мэты зрасходавана 11575,7 тысячы рублёў са сродкаў рэспубліканскага бюджэту і бюджэту дзяржаўнага пазабюджэтнага фонду сацыяльнай абароны насельніцтва Рэспублікі Беларусь.

Прыярытэтным напрамкам работы прадстаўніцтва з'яўляецца забеспячэнне санаторна-курортным лячэннем і аздараўленнем дзяцей ва ўзросце ад 3 да 18 гадоў. Так, за 2022 год у санаторна-курортных і аздараўленчых арганізацыях аздароўлена 5524 дзіцяці (у тым ліку 427 дзяцей-інвалідаў) на суму 4757,3 тысячы рублёў.

Акрамя таго, у лагерах розных тыпаў аздароўлена 75706 дзяцей, што склала 105,4 працэнта адносна мінулага года. Ахоп аздараўленнем дзяцей школьнага ўзросту за 2022 год склаў 65,5 працэнта (для параўнання ў 2021 годзе - 62,5 працэнта), у тым ліку за летні аздараўленчы перыяд - 37 працэнтаў, у лагерах з кругласутачным знаходжаннем дзяцей - 15,4 працэнта. План аздараўлення дзяцей за 2022 год выкананы на 102,9 працэнта.

На аздараўленне дзяцей у лагерах са сродкаў рэспубліканскага бюджэту зрасходавана 6924,3 тысячы рублёў.

Цяпер на тэрыторыі вобласці функцыянуе 32 стацыянарныя аздараўленчыя (спартыўна-аздараўленчыя) лагеры, на падрыхтоўку якіх зрасходавана больш за 4 мільёны рублёў, у тым ліку за кошт сродкаў уласнікаў лагераў – 3,7 мільёна рублёў.

Пацешылі і вынікі працы санаторна-курортных і аздараўленчых арганізацый вобласці. Адпаведнасць паслуг сацыяльнаму запыту, развітая матэрыяльна-тэхнічная база здраўніц і іх укамплектаванасць высокакваліфікаванымі работнікамі дазваляюць забяспечваць рост асноўных эканамічных паказчыкаў дзейнасці санаторна-аздараўленчага комплексу.

За 2022 год колькасць рэалізаваных пуцёвак склала 106,4 тысячы, што на 6 % вышэй за аналагічны перыяд 2021 года. Замежным грамадзянам рэалізавана 24 тысячы пуцёвак, што склала 146,9 да леташняга ўзроўню.

Выручка ад рэалізацыі паслуг склала 94662,6 млн. руб., што на 26,9% вышэй за леташнія паказчыкі, па экспарце паслуг таксама павялічаны паказчык і склаў 184,9%.

Пералікі і якасць санаторна-курортных і аздараўленчых паслуг развіваюцца згодна з патрэбамі насельніцтва. На гэтае развіццё здраўніцы штогод выкарыстоўваюць значныя аб'ёмы грашовых сродкаў, за якія праводзяцца бягучыя і капітальныя рамонты, набываюцца новыя абсталяванне і інвентар.

За 2022 год сума сродкаў, выкарыстаных на ўмацаванне матэрыяльна-тэхнічнай базы, склала 21641,1 тысячы рублёў, у тым ліку на стварэнне ўмоў безбар'ернага асяроддзя для фізічна-аслабленых асоб 463,7 тысяч рублёў.

За высокія паказчыкі ў рабоце па аздараўленню і санаторна-курортнаму лячэнню насельніцтва ў 2022 годзе Віцебскае абласное ўпраўленне прызнана лепшым з прысваеннем ганаровага трэцяга месца і ўзнагароджваннем Ганаровай граматай Цэнтра.

Назапашаны патэнцыял дае ўпэўненасць, што і ў 2023 годзе ўсе задачы, пастаўленыя ўрадам, будуць выкананы.