Гомельскае абласное ўпраўленне Рэспубліканскага цэнтра па аздараўленні і санаторна-курортным лячэнні насельніцтва выконвае задачы па забеспячэнні гарантаваных дзяржавай сацыяльных ільгот і правоў насельніцтва ў сферы санаторна-курортнага лячэння і аздараўлення.

Па выніках работы за 2024 год былі забяспечаны санаторна-курортным лячэннем і аздараўленнем з выкарыстаннем сродкаў рэспубліканскага бюджэту і бюджэту дзяржаўнага пазабюджэтнага фонду сацыяльнай абароны насельніцтва 153000 жыхароў Гомельскай вобласці. На рэалізацыю гэтых задач скарыстана 94,3 млн. рублёў дзяржаўных сродкаў.

Па пуцёўках, набытых за кошт сродкаў рэспубліканскага бюджэту былі забяспечаны санаторна-курортным лячэннем. 01 чал.

За кошт сродкаў рэспубліканскага бюджэту забяспечана санаторна-курортным лячэннем 1252 студэнты ў студэнцкім санаторыі -прафілакторыі УА «Мазырскі дзяржаўны педагагічны універсітэт ім. І.П.Шамякіна»

Па пуцёўках, набытых за кошт сродкаў бюджэту дзяржаўнага пазабюджэтнага фонду сацыяльнай абароны насельніцтва, прайшлі санаторна-курортнае лячэнне 2894 працуючых грамадзян і 2192 іх непаўналетніх дзяцей.

У цэнтры ўвагі - аздараўленне дзяцей-інвалідаў. У 2024 годзе былі забяспечаны пуцёўкамі на санаторна-курортнае лячэнне 918 дзяцей-інвалідаў, з іх:

- за кошт сродкаў рэспубліканскага бюджэту па пуцёўках для дзяцей-інвалідаў - 574 дзіцяці;

- за кошт сродкаў рэспубліканскага бюджэту, накіраваных на пераадоленне наступстваў катастрофы на Чарнобыльскай АЭС - 314 чал.;

- за кошт сродкаў рэспубліканскага бюджэту па пуцёўках для дарослага з дзіцем, якія выдаюцца па месцы працы аднаго з бацькоў - 30 дзяцей.

Адна з прыярытэтных задач вобласці - забеспячэнне санаторна-курортным лячэннем і аздараўленнем грамадзян, якія пацярпелі ад наступстваў катастрофы на Чарнобыльскай АЭС.

За кошт сродкаў рэспубліканскага бюджэту, прадугледжаных на пераадоленне наступстваў катастрофы на Чарнобыльскай АЭС, у 2024 годзе было накіравана на санаторна-курортнае лячэнне і аздараўленне:

84 інваліды I, II групы з прычыны катастрофы на Чарнобыльскай АЭС (арт. 18 ЧАЭС);

1906 дзяцей, дашкольнага ўзросту ў суправаджэнні аднаго з бацькоў;

58055 дзяцей, якія пражываюць ці навучаюцца ва ўстановах адукацыі на тэрыторыі радыеактыўнага забруджвання, у складзе арганізаваных груп у суправаджэнні 4740 педагагічных работнікаў, з іх 36253 дзіцяці, якія навучаюцца ва ўстановах адукацыі г. Гомеля.

2006 дзяцей - у кругласутачных аздараўленчых лагерах.

Таксама забяспечаны аздараўленнем за кошт сродкаў бюджэту Саюзнай дзяржавы 127 дзяцей Гомельскай вобласці, якія пацярпелі ад наступстваў катастрофы на Чарнобыльскай АЭС.

Важным напрамкам работы прадстаўніцтва з'яўляецца арганізацыя аздараўлення дзяцей у канікулярны перыяд у лагерах розных тыпаў. У 2024 годзе на тэрыторыі Гомельскай вобласці была арганізавана работа 2305 лагераў па профілях і напрамках дзейнасці, у якіх аздаравіліся 73998 чалавек (на 1843 дзіцяці больш чым у 2023 годзе), з іх 1009 дзяцей-інвалідаў.

Прадстаўніцтва каардынуе і ажыццяўляе маніторынг дзейнасці санаторна-курортных і аздараўленчых арганізацый вобласці.

На тэрыторыі Гомельскай вобласці функцыянуюць 17 атэставаных санаторна-курортных і аздараўленчых арганізацый рознай ведамаснай падпарадкаванасці, з іх 9 санаторыяў, 6 дзіцячых рэабілітацыйна-аздараўленчых цэнтраў і 2 базы адпачынку.

У 2024 годзе было рэалізавана 117232 пуцёўкі, або 105,1 працэнта да ўзроўню 2023 года. Больш за чвэрць месцаў у 2024 годзе санаторыі падалі замежным грамадзянам, рэалізаваўшы, такім чынам, 31594 пуцёўкі, што склала 121,9% да ўзроўню 2023 года.

У 2024 годзе ад рэалізацыі пуцёвак санаторна-курортнымі і аздараўленчымі арганізацыямі атрымана выручка ў памеры 129,2 млн. рублёў, або 113,9% да ўзроўню 2023 года, з яе ад экспарту паслуг - 39,6 млн. рублёў, што склала 165,2% да ўзроўню.

Умацаванне матэрыяльна-тэхнічнай базы, інвесціраванне ў развіццё турыстычнай інфраструктуры - прыярытэтныя напрамкі ў дзейнасці санаторна-курортных і аздараўленчых арганізацый Гомельскай вобласці. У 2024 годзе на ўмацаванне матэрыяльна-тэхнічнай базы арганізацый Гомельскай вобласці накіравана амаль 33 млн. руб.:

завяршылася рэканструкцыя КУП «ДРАЦ «Крыштальны», на якую выкарыстана 21,8 млн. руб.;

ДУП «Санаторый «Прыдняпроўскі» выкарыстаў - 2,9 млн. руб.;

Санаторый "Сонечны бераг" УСО РУП "ВА "Беларуснафта" выкарыстаў - 1,5 млн. руб.;

КУП «ДРОЦ «Пралеска» выкарыстоўвала - 910,8 тыс. руб.

Належны стан матэрыяльна-тэхнічнай базы з'яўляецца адным з фактараў прывабнасці (канкурэнтаздольнасці) санаторыяў. Запаўняльнасць санаторыяў Гомельскай вобласці па выніках работы за 2024 год склала 85,4 працэнта.

З мэтай павелічэння попыту на санаторна-курортныя і аздараўленчыя паслугі для грамадзян Рэспублікі Беларусь і замежных грамадзян здраўніцы Гомельскай вобласці прадаўжаюць працаваць над стварэннем максімальна прывабных, камфортных умоў, умацоўваючы матэрыяльна-тэхнічную базу, асвойваюць і ўкараняюць сучасныя метады лячэння.

Прадстаўніцтвам Гомельскае абласное ўпраўленне Рэспубліканскага цэнтра па аздараўленні і санаторна-курортным лячэнні насельніцтва ў бягучым годзе будзе прадоўжана выкананне задач па дасягненню запланаваных аб'ёмаў санаторна-курортнага лячэння і аздараўлення насельніцтва вобласці.