У летні перыяд бягучага года на базе двух дзіцячых рэабілітацыйна-аздараўленчых цэнтраў "Колас" (Кобрынскі раён) і "Світанак" (Пінскі раён) запланавана аздараўленне звыш 700 дзяцей з Тульскай вобласці.

У КУП «ДРАЦ «Колас» першы заезд расійскіх дзяцей адбыўся 3 чэрвеня і плануецца ажыццявіць 4 заезды, у КУП «ДРАЦ «Світанак» першая група хлопцаў заехала 17 чэрвеня і плануецца 3 заезды.

Дзяцей з Тульскай вобласці сустракаюць урачыста з хлебам-соллю, песнямі і танцамі.

На час знаходжання гасцей ім падрыхтавана насычаная культурная праграма.

Так, у КУП «ДРАЦ «Світанак» ужо ў першыя дні знаходжання дзяцей адбыўся канцэрт-адкрыццё з удзелам хлопцаў з Расіі і Беларусі, якія даказалі яшчэ раз, што нашы повязі моцныя і непадзельныя.

Адбылося яркае спартыўна-масавае свята "Сцежка добрых рук"!, дзе 130 хлопчыкаў і дзяўчынак з Расіі і Беларусі, не раз'ядноўваючы рук, праходзілі розныя этапы: матэматычнае, экстрэмальнае, спартыўнае, канструктарскае, валявое і іншыя. Каманды вырашалі задачы, пераадольвалі перашкоды, праяўлялі моц духу. Галоўная асаблівасць гульні - хлопцы не адпускалі рукі на працягу ўсіх заданняў. Свята падарыў мора пазітыву і новыя знаёмствы.

Падчас праведзенага майстар-класа "Смецце можа быць карыснае" дзеці з Тульскай вобласці не толькі праявілі крэатыўнасць, але і прынялі ўдзел у важнай дыскусіі аб тым, як захаваць экалогію. Падчас заняткаў дзеці пазнаёміліся з прынцыпамі збору смецця і праблемай утылізацыі бытавых адходаў і запомнілі важную ісціну "Чыста не там, дзе прыбіраюць, а там, дзе не смецяць!". Рабяты змайстравалі з непрыдатнага матэрыялу арыгінальныя вырабы.

ФОТА 5.

У рамках акцыі "Бяспечныя канікулы" прадстаўніком Пінскага ГРАНС з дзецьмі праведзена гутарка аб бяспецы на вадзе, а таксама праведзена эстафета, дзе хлопцы з Тульскай вобласці прынялі актыўны ўдзел і занялі 1 месца.

Акрамя пазнавальных і спартовых мерапрыемстваў для дзяцей арганізуюцца экскурсіі. Так 22 чэрвеня хлопцы здзейснілі пешую экскурсію ў в. Пагост-Загародскі, каб ушанаваць памяць ахвяр Вялікай Айчыннай вайны. Дзеці дапамаглі прывесці ў парадак абеліск і брацкую магілу, прайшліся па вуліцы, на якой падчас вайны размяшчалася гета. Таксама дзеці наведалі помнікі, усталяваныя знакамітым ураджэнцам Пагоста – Лукашу Галембіеўскаму і Ф.К.Друцка-Любецкаму. За час знаходжання дзеці пабывалі ў аграгарадку Парахонск, на пешаходнай экскурсіі ў горадзе Пінск, а таксама на экскурсіях у горадзе Брэст, пазнаёміліся з мемарыяльным комплексам "Брэсцкая крэпасць-герой", наведалі Нацыянальны парк "Белавежская пушча" і маёнтак беларускага Дзеда марозу.

Такая ж насычаная праграма падрыхтавана для расійскіх дзяцей у КУП "ДРАЦ "Колас".