26 красавіка 2026 года спаўняецца 40 гадоў з дня аварыі на Чарнобыльскай атамнай электрастанцыі - найбуйнейшай тэхнагеннай катастрофы ў гісторыі чалавецтва. Гэта дата не проста нагадвае аб трагедыі, але і дзень смутку па загінуўшых, дзень падзякі ліквідатарам і нагода асэнсаваць урокі, якія свет выняў з чарнобыльскага рэха. За чатыры дзесяцігоддзі пасля катастрофы Беларусь крок за крокам аднавіла жыццё на пацярпелых тэрыторыях, прарабіўшы складаны шлях ад ліквідацыі наступстваў катастрофы, рэабілітацыі і адраджэння пацярпелых тэрыторый да пераходу іх да ўстойлівага сацыяльна-эканамічнага развіцця.

16 красавіка 2026 года ў СП "Фрост і К" ТАА, якое знаходзіцца ў Брэсцкай вобласці, Драгічынскім раёне, прайшоў Адзіны дзень інфармавання, прысвечаны 40-годдзю Чарнобыльскай катастрофы. З працоўным калектывам вышэйпаказанага прадпрыемства сустрэліся дырэктар Рэспубліканскага цэнтра па аздараўленні і санаторна-курортным лячэнні насельніцтва, кандыдат медыцынскіх навук Балбатоўскі Генадзь Мікалаевіч, намеснік старшыні Драгічынскага райвыканкама Макарэвіч Леанід Васільевіч, начальнік прадстаўніцтва Брэсцкае абласное ўпраўленне Рэспубліканскага цэнтра па аздараўленні Міхайлаўна.

У час сустрэчы абмяркоўваліся пытанні пераадолення наступстваў Чарнобыльскай аварыі, радыяцыйная бяспека, развіццё атамнай энергіі. Балбатоўскі Генадзь Мікалаевіч адзначыў, што кожны год больш як 80 тысяч дзяцей, якія жывуць на забруджаных тэрыторыях і маюць медыцынскія паказанні, праходзяць на бясплатнай аснове лячэнне і аздараўленне ў нашых санаторна-курортных арганізацыях. Таксама ён расказаў аб рабоце ў сферы санаторна-курортнага лячэння і аздараўлення Рэспублікі Беларусь.

У працяг візіту госці наведалі прадпрыемства і азнаёміліся з умовамі працы і прадукцыяй.